Quru Alarm Vanası (Nəzarət Siqnal Klapanı)

Quru Alarm Vanası quru tipli avtomatik sprinkler yanğınsöndürmə sistemlərində istifadə olunan və yanğın zamanı suyun boru şəbəkəsinə daxil olmasını təmin edən əsas idarəetmə komponentidir. Bu sistemlərdə sprinkler boru xətləri normal iş rejimində sıxılmış hava və ya azotla təzyiq altında saxlanılır. Yanğın zamanı sprinkler başlığı istiliyin təsiri ilə açıldıqda sistemdə hava təzyiqi azalır və yaranan təzyiq fərqi klapanın açılmasına səbəb olur. Nəticədə su boru şəbəkəsinə daxil olaraq yanğının söndürülməsi prosesini təmin edir.

Quru Alarm Vanaları DN50–DN300 nominal diametr aralığında təqdim olunur və müxtəlif ölçülü yanğın mühafizə sistemlərində istifadə edilir. Klapanın gövdəsi yüksək mexaniki möhkəmliyə və təzyiqə davamlılığa malik sfero çuqun materialdan hazırlanır. Daxili mexanizmlər və sızdırmazlıq elementləri etibarlı işləmə və uzunmüddətli istismar üçün nəzərdə tutulur.

Məhsullar UL və FM sertifikatlarına malikdir və müvafiq yanğın təhlükəsizliyi tələblərinə uyğunluğu təsdiqlənir. Sistem konfiqurasiyasından asılı olaraq klapan hava təzyiqinə nəzarət qurğuları, manometrlər, sürətləndirici qurğu (Accelerator), aşağı təzyiq siqnal açarı və digər aksesuarlarla təchiz olunur.

Quru Alarm Vanaları donma riski olan anbarlarda, dayanacaqlarda, sənaye obyektlərində, soyuducu anbarlarda və yaş tipli sprinkler sistemlərinin tətbiqinin mümkün olmadığı digər sahələrdə istifadə olunur.