Pre-Action Alarm Vanası (Nəzarət Siqnal Klapanı)

Pre-Action Alarm Vanası avtomatik sprinkler yanğınsöndürmə sistemlərində istifadə olunan və yanğın aşkarlama sistemi ilə qarşılıqlı əlaqədə işləyərək suyun sprinkler boru şəbəkəsinə daxil olmasını idarə edən klapandır. Bu sistemlər xüsusilə suyun təsadüfən boru xətlərinə daxil olmasının ciddi zərər yarada biləcəyi obyektlər üçün nəzərdə tutulur. Normal iş rejimində sprinkler boru şəbəkəsi su ilə doldurulmur və sistemin konfiqurasiyasından asılı olaraq hava və ya azot təzyiqi altında saxlanıla bilər.

Yanğın zamanı deteksiya sistemi tüstü, istilik və ya digər yanğın əlamətlərini aşkar etdikdə idarəetmə mexanizmi aktivləşir və klapanın açılmasına şərait yaradır. Sistemin birqat və ya ikiqat bloklama (Single Interlock / Double Interlock) konfiqurasiyasından asılı olaraq suyun boru şəbəkəsinə daxil olması üçün yanğın siqnalı və ya əlavə şərtlər tələb oluna bilər.

Pre-Action Alarm Vanaları DN40–DN200 nominal diametr aralığında təqdim olunur. Klapanın gövdəsi sfero çuqun materialdan hazırlanır. Məhsullar UL və FM  sertifikatlarına malikdir və müvafiq yanğın təhlükəsizliyi tələblərinə uyğunluğu təsdiqlənir.

Sistem konfiqurasiyasına uyğun olaraq klapan solenoid klapan, təzyiq açarları, manometrlər, hava təzyiqinə nəzarət qurğuları və idarəetmə paneli ilə birlikdə istifadə oluna bilər. Pre-Action sistemləri məlumat mərkəzlərində, server otaqlarında, arxivlərdə, muzeylərdə, telekommunikasiya obyektlərində və su sızmasının həssas avadanlıqlara zərər verə biləcəyi digər sahələrdə tətbiq edilir.