Yanğınsöndürmə sistemləri

Yanğınsöndürmə şəbəkəsi nadir hallarda işə düşən, lakin işə düşdüyü an tam işləməli olan sistemdir. Ona görə seçim zamanı əsas sual "hansı sprinkler" deyil, şəbəkənin hansı tipdə olacağıdır: sulu, quru, pre-action və ya deluge.

Alarm vanası tipləri

• Sulu (wet) alarm vanası — borular daim su ilə doludur; donma riski olmayan qapalı məkanlar üçün ən sadə həll.
• Quru (dry) alarm vanası — borular sıxılmış hava ilə doludur, su yalnız sprinkler açıldıqdan sonra girir; soyuq anbar, dam altı və qapalı olmayan sahələr üçün.
• Pre-action — su verilməsi üçün həm dedektor siqnalı, həm sprinklerin açılması tələb olunur; təsadüfi su axınının qəbuledilməz olduğu yerlərdə.
• Deluge — bütün nozzle-lar açıqdır, siqnal gəldiyi an sahənin hamısına su verilir; yüksək risk zonaları üçün.

Şəbəkə elementləri

Sprinkler tipi tavana və məkanın funksiyasına görə seçilir: upright açıq boru şəbəkələrində, sidewall divardan tətbiqlərdə, gizli tip isə asma tavanlı və görünüşün önəmli olduğu məkanlarda. Boru birləşmələri yivli sistemlə qurulur — kaplinlər, mexaniki TEE-lər, dirsəklər, reduksiyonlar və kepler qaynaq işini azaldır, şəbəkənin sonradan genişləndirilməsini asanlaşdırır. İzlənə bilən (supervised) kəpənək ventil vananın açıq vəziyyətini idarə panelinə bildirir.