HVAC və iqlimləndirmə

Fan-coil, AHU, çiller və qazanxana dövrələrində layihə debiti ilə real debit arasındaki fərq sistemin ən çox rastlanan problemidir: bəzi zonalar həddindən artıq soyuyur, uzaq zonalara isə su çatmır. Bunun səbəbi qızdırıcı/soyuducu elementlərin fərqli təzyiq itkilərinə malik olmasıdır.

Balanslaşdırma necə qurulur

Statik balans vanaları (SBV) hər budağın hidravlik müqavimətini bir dəfə tənzimləyib sabitləşdirir; ölçmə nippelləri vasitəsilə debit yerində yoxlanıla bilər. Dəyişkən debitli dövrələrdə dinamik balans vanaları (DBV) təzyiq dəyişsə də hər budağa düşən debiti sabit saxlayır.

Tənzimləmə ilə balanslaşdırmanı bir cihazda birləşdirən PICV (təzyiqdən asılı olmayan balans və tənzimləmə vanası) fan-coil qruplarında ayrıca balans vanası, tənzimləmə vanası və diferensial təzyiq tənzimləyicisi ehtiyacını aradan qaldırır — quraşdırma sadələşir, debit modulyasiya zamanı da layihə dəyərində qalır.

Nəyə diqqət edilməlidir

• Vananın ölçüsü boru diametrinə görə deyil, layihə debitinə görə seçilir.
• Kv/debit aralığı və minimum işçi diferensial təzyiq kataloq dəyərləri ilə yoxlanılmalıdır.
• Wafer tipli DBV məhdud yer olan kollektorlarda flanslı həllə alternativdir.
• Ölçmə nippelləri sonrakı istismarda debitin yenidən yoxlanılmasına imkan verir — balanslaşdırma bir dəfəlik iş deyil.